Një autobus urban në Tiranë aksidentoi një 18 vjeçare e cila po udhëtonte me biçikletë dhe më pas u përplas me dy automjete të parkuara pak metra më larg.

Perveç 18 vjeçarjes si pasojë e përplasjes u dëmtuan dhe tre persona që ndodheshin në autobus.

Ngjarja ndodhi mbrëmjen e të dielës në rrugën e Kavajës.

Në momentin e aksidentit autobuzi po ecte me shpejtësi ndërkohë që 18 vjeçarja me biciklete dyshohet se ka kaluar rrugën kur semafori ishte ende I kuq.

Pasi ka përplasur biçikletën autobuzi siç duket në pamjet e filmuara nga kamerat e sigurisë në zonë ka devijuar pranë trotuarit ku është përplasur dhe me mjetet e parkuara.

Policia dyshon se drejtuesi I autobusit 56 vjeçari Çlirim Shala ka humbur kontrollin e mjetit.

Të dëmtuarit morën ndihmë mjekësore në spital ndërkohë policia ka arrestuar drejtuesin e autobuzit. / abcnews.al /